حاسبة خامات المطبخ المجانية

إزاي بتتحسب الأرقام دي؟

كل متر طولي من الوحدات السفلية (عمق 60 سم وارتفاع 72 سم بدون القاعدة) بيحتاج تقريباً 2.6 م² من الأسطح بين جوانب وقاع وظهر ورف وضلفة. الوحدة العلوية (عمق 32 سم) بتحتاج حوالي 1.9 م² لكل متر طولي، ووحدة العمود بارتفاع 210 سم بتحتاج حوالي 5.2 م².

نسبة الهدر الافتراضية 12% وهي نسبة واقعية للتقطيع اليدوي. لو بتستخدم برنامج تقطيع محترف بخوارزمية تحسين، الهدر ممكن ينزل لـ 5–8%. لو الألواح بثمرة (اتجاه) زوّد النسبة لأن القطع مش هينفع تتدوّر.

شريط الحرف محسوب بمتوسط 3.2 متر طولي لكل م² من الألواح، وده متوسط عملي لأحجام القطع الشائعة في المطابخ. المفصلات محسوبة بضلفة كل 45 سم ومفصلتين للضلفة القصيرة و3 لوحدات العمود.

الأرقام دي تقديرية للتسعير السريع قدام العميل. للحساب الدقيق قطعة بقطعة مع مخطط التقطيع الفعلي، استخدم محرر التصميم وتقرير الخامات داخل البرنامج، أو راجع الأسئلة الشائعة.